Seán Ó Baoill, Físiriseoir, Aisteoir (Video Journalist, Actor)

Hero image for Seán Ó Baoill, Físiriseoir, Aisteoir (Video Journalist, Actor)

Oideachas:

BA Gaeilge & Tíreolaíocht, An Coláiste Ollscoile, Baile Átha Cliath; MA Scríobh & Cumarsáid na Gaeilge, An Coláiste Ollscoile, Baile Átha Cliath; Ard-Dioplóma, Cumarsáid Fheidhmeach, Acadamh na hOllscolaíochta Gaeilge

Fostóir:

TG4, Meon Eile

Post:

Físiriseoir /Aisteoir

Is í an Ghaeilge mo theanga dhúchais ach níor shíl mé riamh go mbeadh an oiread buntáistí ag baint léi ó thaobh na hoibre de. Ó d’fhág mé an ollscoil tá oiread sin deiseanna faighte. Faoi láthair, táim ag obair go lánaimseartha mar fhísiriseoir leis an suíomh gréasáin Gaeilge Meon Eile. Chomh maith leis sin, is é seo mo thríú shéasúr ag aisteoireacht ar Ros na Rún, an sobaldráma Gaeilge ar TG4 mar Adam Ó Murchú.

Tá an oiread sin comhlachtaí léiriúcháin neamhspleácha ag soláthar cláracha Gaeilge do RTÉ, TG4 agus BBC Tuaisceart Éireann. Tá na hardáin ar líne ag fás an t-am ar fad lena n-áirítear Meon Eile, Tuairisc.ie agus Nós.ie agus mar sin, tá an oiread deiseanna ann le bheith ag obair leis na meáin Ghaeilge.

Caithfidh tú scileanna teicniúla agus eagarthóireachta físe a bheith agat le bheith i d’fhísiriseoir. Anuas orthu sin, tá an taobh iriseoireachta ann agus caithfidh tú a bheith fírinneach agus ionraic leis an lucht féachana nó léitheoireachta atá agat. Caithfidh tú a bheith in ann scéal a aimsiú agus a insint ar bhealach neodrach, a insíonn an dá thaobh den scéal. Fágann tú faoin lucht féachana ansin é a dtuairimí féin a fhorbairt faoin ábhar.

Is í an chomhairle is mó a bheadh agamsa do dhaoine a bhfuil spéis acu a bheith ina n-iriseoirí go bhfuil taithí chomh tábhachtach céanna le cúrsaí acadúla. Mholfainn teagmháil a dhéanamh le seomraí nuachta RTÉ agus TG4 agus le Meon Eile agus Tuairisc.ie le cur in iúl go bhfuil fonn ort taithí a fháil. Má tá tú dáiríre faoi agus sásta scileanna nua a fhoghlaim, beidh go leor deiseanna ar fáil duit.

Táimse ag aisteoireacht ó bhí mé i mo ghasúr óg agus bhí sé i gcónaí mar sprioc agam a bheith ag aisteoireacht ar Ros na Rún. Tá saol na haisteoireachta an-doiligh mar go mbeidh tú ag dul chuig oiread sin éisteachtaí. Beidh rólanna nach n-éireoidh leat a fháil agus beidh ort é sin a chur i leataobh agus díriú ar an chéad éisteacht eile. Is ceird í an aisteoireachta agus beidh tú i gcónaí ag foghlaim le máistreacht a chur ar an cheird sin.

Spotlight organisations

Essential advice

Get inspired

Spotlight course providers

Related careers advice

Cherry picked for you

Cherry picked for you

and delivered directly to your feed.